子丹自詡「宇宙最強最浪漫」，不過對於拍性感婚照則耍手擰頭。

「宇由最強」甄子丹在康城電影節接受本報專訪，對於有指其主演的電影《3D冰封俠》因片長關係，將要分為上、下集上映，但子丹為支持電影業，只加了一點酬勞，對此，子丹沒有否認：「有時唔係要計到咁足，只希望觀眾鍾意，如果電影大賣，電影公司到時咪封大利是畀我囉！」另有傳英皇電影《一個人的武林》，王寶強演出的一角，是執郭富城二攤，子丹說：「我唔清楚，我同王寶強識咗好多年，佢唔止演笑片出色，我期待同佢同埋楊采妮合作。」早前其太太汪詩詩表示今年結婚十年，有意再拍性感婚照，子丹卻有所保留：「最多大家拎手機互影，仲要唔儲入電腦。其實兩個人一齊，每日都可以浪漫，我係一個非常浪漫嘅人，係『宇宙最強最浪漫』。」

子丹自詡「宇宙最強最浪漫」，不過對於拍性感婚照則耍手擰頭。

跟汪詩詩結婚十年依然恩愛，莫非因為子丹夠浪漫？

另外，有指荷里活電影商有意投資八億港元重拍日本導演黑澤明的代表作《七俠四義》，而子丹被指將夥拍章子怡及佐治古尼（George Clooney）合演，子丹表示曾傾過有關合作，惟未知詳情，並對此大表期待。此外，內地女星黃聖依以銀色珠片裙出席《Borgman》首映行紅地氈，頸背露出緋聞男友楊子的「子」字紋身。