黃德斌輕鬆睇收視成績。

對於有傳陳豪與女友陳茵媺拉埋天窗，老拍檔黃德斌表示沒有聽聞：「估到劇情啦！依家話佢哋結婚，之後咪話生仔囉！如果係真佢會講，會恭喜佢，其實佢哋已經係公認嘅一對，結婚生仔係人之常情。」對於與陳豪合演的無綫重頭劇《金枝慾孽貳》上周收視平均19點，最低只有18點，德斌笑說：「咁就等我哋繼續創造歷史，觀眾可能一時間未接受到新嘗試，遲啲睇番可能有唔同睇法。」

黃德斌輕鬆睇收視成績。

至於無綫外事部副總監曾醒明亦坦承，黃金劇收視甚少低於20點，無綫助理副總經理區偉林亦無奈承認劇集收視低：「觀眾話睇唔明，我哋有開會檢討過，吸取教訓。」但力撐劇集創新，對於鄧萃雯將因由歸咎於拍時「飛紙仔」，他說：「套劇播咗大半，做人應該放低，向前望，但無可否認飛紙仔會影響演員演出水準。」

通訊事務管理局接到五個《金》劇投訴，指劇情與史實不符、沉悶、過於攻心計及演技欠佳。對於有指不少藝員想離巢北上掘金，區偉林指報道誇張：「大家傾緊以其他方式合作，佢哋紅咗想要多啲自由，唔想畀公司抽佣，係人之常情。」