彭丹大晒半鹹淡廣東話放笑彈。

曾志偉再以獎門人身份主持遊戲節目，邀得兩代咪霸彭丹及孟瑤同場交「峰」，兩人又亂拋爆笑廣東話，孟瑤表示「食（識）咗好多朋友」，更笑錢嘉樂「冇扯過」！

彭丹大晒半鹹淡廣東話放笑彈。

孟瑤露四吋事業線，與彭丹正面交「峰」。

孟瑤大方向志偉送抱。

林敏驄整蠱彭丹，令她掩面兼起飛腳。

林敏驄

吳家樂（左起）、洪天明和謝天華錄影《獎門人》時齊食辣辣壽司。

洪天明與老婆周家蔚咀嘴，但被笑周圍揀女最後揀了周家蔚，令他頗尷尬。

由曾志偉主持的《超級無敵獎門人終極篇》前晚錄影第一集，主要回顧18年來的精華片段，遊戲則有食壽司及拋波仔等，比較斯文欠驚喜，幸得兩代咪霸彭丹及孟瑤鬥性感。孟瑤激露四吋事業線力壓谷胸丹丹，她們又狂拋半鹹淡廣東話，笑爆全場！

孟瑤在台上大讚TVB服裝「點扯都扯唔爛」，眾獎老即講有味笑話問：「邊個扯過？」孟瑤指着錢嘉樂說：「你冇扯過！」其後又表示節目令她「食（識）咗好多朋友！」彭丹則表示「好耐冇瀨（來）獎門人」，玩遊戲輸了後又說：「未開市（始）呀！」眾獎老即笑她：「玩咁耐美國都開市喇！」而歷屆八名獎老包括陳小春、錢嘉樂及阮兆祥等均有到場，惟獨欠王祖藍，祥仔拿着其照片扮車頭相，大吉利是！

志偉透露今輯遊戲較少體力勞動，望可邀得張學友及王菲等重量級嘉賓回歸，問到是否受命救TVB收視？他說：「唔係！咁多年收視有高有低，TVB試緊觀眾口味，唔通好似韓劇咁洗完米返嚟都睇得明咩？」彭丹笑言不會做拱橋及一字馬：「TVB從來冇人工畀我，唔係咁啱囉！」在內地已是導演的她透露年底將與荷里活影星兼導演賓艾佛力拍攝講述中美抗日的電影，共投資逾六億港元，相當巴閉！她又表示未揀定男友，希望另一半可理解她是藝術家及常到貧困地方探訪。

謝天華默認離巢

此外，有傳謝天華將不與無綫續約，前晚他承認現在是一個階段的完結，暫未可公布去向，TVB有挽留，但他希望有突破，問到是否銀彈不夠？他說：「喺TVB係機會多過錢，我想同未合作過嘅人合作。（去王維基嘅香港電視？）仲有好多選擇嘅。」