薛芷倫承認接受抗癌治療，三年來多次開刀。

名媛薛芷倫昨晚盛裝出席慈善晚宴，自爆早前接受完手術：「我兩星期前開完刀，自己一直接受抗癌治療，依家已經三年幾喇！都係啲婦女病。（安祖蓮娜因遺傳性乳癌風險高而切除乳房！）我覺得咁樣係斬腳趾避沙蟲，但『沙蟲』可以由腳背或腳板爬入身體，應該着對好鞋狠狠咁踩死佢！好鞋係指健康嘅生活，心理上唔可以唔開心，會影響癌細胞。可能佢唔想活喺陰影下，呢個係佢個人選擇，但係自己心結多過醫學需要。」她又透露乳房與子宮都接受過微創手術，三年多開刀四次，還要吃五年藥治療，但強調不會切乳：「除非好末期迫不得已先會切，安祖蓮娜為小朋友咁做係好美麗，但唔鼓吹，為咗驚而切除前衞咗少少。」

薛芷倫承認接受抗癌治療，三年來多次開刀。

同場胃癌康復中的司馬燕則讚安祖蓮娜做法勇敢：「既然有家族遺傳，咁做都啱嘅，提早切除Take Care，好勇敢。」而她下周將入院接受最後一次化療，其後便食藥治療。