Shiga餵柏豪食包，他即豎起拇指大讚。

周柏豪前晚與連詩雅出席活動時互餵對方食包兼交換口水！柏豪更自爆「當年情」，有幸食「殘廢餐」的他與女班長產生感情，不過問到與前緋聞女友何超雲及超蓮的感情事即封嘴。

Shiga餵柏豪食包，他即豎起拇指大讚。

Shiga不介意食柏豪口水尾，更連手指都舔埋。

柏豪和Shiga在活動中餵粉絲吃東西。

歌手周柏豪及連詩雅（Shiga）前晚出席麥當勞活動，兩人親密地互餵對方食包兼交換口水，柏豪更不以為意說：「拍戲咀過添啦！」問到兩人可有食過「殘廢餐」？柏豪自爆「當年情」：「讀書時打波斷手，要女班長餵我，我對佢產生咗媽媽嘅感情，但冇追佢o架！」Shiga則說：「太耐唔記得喇！但如果男友唔係『監粗』嚟餵，都幾Sweet嘅！」

搞有味Gag

另外，柏豪指出街拍拖會注重形象，所以舉止比較檢點，但回家則會變身「小鳥」，他大搞有味Gag說：「我係大Size又溫柔嘅『小鳥』，因為我有6呎高。」

談及前緋聞女友賭王千金何超雲近日與陳山聰甩拖，原本風騷的柏豪立即「閂閘」：「我同佢冇聯絡喇！我冇追過佢，佢嘅私人嘢我唔了解。（覺唔覺佢索咗？）冇留意呀！」至於另一緋聞舊愛何超蓮與台灣歌手吳克羣疑似「撻着」，問柏豪可覺得自己「襯啲」？他即投降說：「我唔會同任何人比較o架！」