古巨基自詡是「水怪」，每日最少飲8杯水。

英皇一哥古巨基續任飲品代言人，自詡是「水怪」的他，無水不歡，憑空想像的考工夫演出，對他全無難度，因他幻想力十足。

古巨基自詡是「水怪」，每日最少飲8杯水。

基仔和湯怡拍攝飲品廣告，全靠幻想力做出生鬼表情。

基仔和湯怡響應環保，為地球出一分力。

手汗多到出水的古巨基，是名副其實的「水怪」，最近他偕師妹湯怡為代言的飲品拍攝電視廣告，由細到大無水不歡的基仔，每日最少灌8杯水：「我唱歌會口乾，跳舞又流勁多汗，所以身邊工作人員好醒目，幫我準備大量礦物質水，有幾多我都飲得晒，所以屋企人、朋友都話我係水怪。」

湯怡少肉多菜

當日拍攝現場準備了逾200棵綠色植物配合廣告主題，基仔說：「因為今次廣告商為咗推動環保，將啲膠樽變咗做植物樽，做法好創新。」廣告同一時間以五部攝影機作多角度拍攝，再配合大量電腦特技，所以基仔跟一班演員要靠想像演出，表情生鬼的他笑言沒有難度，因為他的幻想力向來豐富：「我哋好投入，拍到o衣嘩鬼叫，工作人員話畀我哋搞到耳都聾。」

作為環保主義者的基仔，向來不主張開冷氣：「我一年四季都唔會開冷氣，夏天都只係用電風扇，電費都慳唔少。」至於湯怡為響應環保也坐言起行，近年減少吃肉類，幫助減低碳排放量：「唔單止環保，食多啲蔬菜仲可以Keep Fit，皮膚都靚啲，一舉三得。」