陳倩揚收「勞作」重溫拍拖

陳倩揚趁母親節出席公開活動密密搵銀，最近接了5、6個騷的她笑言相當感恩，但由於太忙的關係，未有時間與母親慶祝，只能抽空請她食飯表心意，她說：「希望佢滿意啦！不過平日我都有送佢鍾意嘅嘢畀佢嘅。」而倩揚的丈夫、2歲的囝囝及母親均有現身支持，令她非常窩心。問到老公有否代替囝囝送禮？她笑說：「佢好有心機咁做咗份勞作畀我，令我重溫拍拖時嘅感覺。講真我哋一齊咁多年，有咩禮物未送過吖！」她又表示目前以工作為先，暫未有再懷孕的打算。