自稱「救唔番馬國明」的楊怡傷心痛哭，黃淑儀（右）則一臉無助！

楊怡及馬國明於昨日的母親節也要拍劇，問到會否帶楊媽媽見「女婿」，楊怡即轉話題表示恨返內地拍劇，搵真銀孝敬母親。

自稱「救唔番馬國明」的楊怡傷心痛哭，黃淑儀（右）則一臉無助！

遇交通意外的馬明正在拍全劇最大的場口，故非常入戲！

馬國明與楊怡未埋位時，於翻側的小巴前狂Chok甫，大玩一番。

藝人楊怡、馬國明及黃淑儀昨日在將軍澳拍攝劇集《On Call 36小時Ⅱ》的交通意外戲份，現場有一輛翻側了的小巴及不少警車和警員，場面逼真！楊怡笑說：「成個劇最大場口係呢場，所有投資放晒落去。（你人工呼吸救醒馬明？）出埋撳心口都救唔番，佢要上白車。（母親節帶媽媽見『女婿』？）媽咪冇話要見喎！我都未有得帶，提早同佢食飯同送電話畀佢。（羅仲謙有冇行外母政策？）拍呢個劇個個都唔夠瞓啦！邊有時間？」她隨即轉話題：「我同公司反映過，想返內地拍劇，咁多錢喎！邊個唔心郁？近排同TVB傾緊續約，依家啲樓好貴，我想多啲發展囉！」

馬明家用加碼

而馬明亦以實際行動孝順媽媽，他說：「媽咪之前投訴街市啲嘢貴，我畀屋企嘅家用已經加咗碼！（想好似陳豪咁返內地拍30萬元一集嘅劇？）以前都有人搵過我，但夾唔到期，我唔貪心嘅，因為我怕長時間返內地會唔慣，況且自己出身無綫亦冇可能完全走得晒，十月我又開古裝劇。（鄭嘉穎返內地好搵到入福布斯名人榜？）要屈佢食飯啦！但我唔似佢咁可以長駐內地。」