周家蔚最冧禮物：囝囝吞粥

周家蔚為人母後首度母親節，昨日到天水圍嘉湖銀座出席《我的至叻爸媽》活動時透露將會合丈夫洪天明、好友湯盈盈及文頌嫻等慶祝。提起兒子洪大仁，她甜絲絲說：「朝早餵囝囝食粥仔，佢竟然識吞落肚，真係好得意、好滿足，係最好嘅母親節禮物，天明仲扶佢試行，囝囝好叻識自己踢腳，好厲害！」問到天明有否送禮？她笑說會自行選購再問他攞錢，並說：「媽咪今年要去飲，奶奶方面，我會諗份好禮物，平時會畀錢佢盡吓心意，因為佢成日整嘢畀天明食。」天明稍後返內地工作一個月，家蔚會視乎安排再考慮是否帶兒子探班。