謝霆鋒近年變「煮」家男。（資料圖片）

謝霆鋒昨日趁母親節在家開P，並為昨日生日的細仔Quintus慶祝，三代同堂溫馨玩足半日，霆鋒大仔Lucas更獻花，冧到嫲嫲狄波拉笑逐顏開。雖然張栢芝未有參與，但原來前日她已率先跟兩名兒子畫畫享親子樂，實行各有各慶祝。

謝霆鋒近年變「煮」家男。（資料圖片）

Lucas有別以往搶鏡態度，但甫見嫲嫲拉姑即上前送花。

Quintus生日，栢芝日前率先與兩子慶祝，Lucas更自製宇宙畫送她。

張栢芝

出名孝順的謝霆鋒趁昨日母親節兼細仔Quintus（謝振南）3歲生日，抽空在金鐘寓所栢舍開P，又化身廚師親自炮製蛋糕氹媽咪狄波拉，一家人玩足幾小時，但未見霆鋒前妻張栢芝到場，看來已各有各生活，復合機會渺茫。

昨午12時，工人將兩大束氣球送往「鋒宅」布置，至約2時拉姑與現任老公鬍鬚Kong急急步入大堂，兩人身穿黃色及白色衣服，非常搶眼。Lucas（謝振軒）與Quintus亦由工人抱住到場，精靈活潑的兩兄弟一身「成熟」打扮，Lucas穿黑褸白恤配黑褲並手執鮮花，Quintus則穿格仔褸恤衫配灰褲，甫入大堂Lucas即送花給嫲嫲，氹得拉姑笑晒口。四哥謝賢則「打的」抵達，問到是否為愛孫慶祝生日？他說：「你哋又知嘅，算係啩！（順便慶祝母親節？）都係！（買咩禮物？）唔使買啦！上面好多。」約2時45分，霆鋒妹妹婷婷獨自現身，其後有速遞兩盒蛋糕上樓。

Lucas教細佬畫畫

至晚上7時半，Lucas與Quintus由工人抱着離開，並乘車返回栢芝於馬己仙峽道寓所，到埗後司機執拾禮物，保安見有記者即阻攔。而鬍鬚Kong於晚上8時半離開鋒宅，讓謝家四口繼續慶祝。四哥昨日接受電話訪問時承認霆鋒炮製蛋糕，主菜則叫外賣，他說：「同啲孫玩得好開心！（幾耐冇見？）兩、三星期啦！（幾密喎！）見得就見。（栢芝有冇嚟？）梗係唔喺度啦！」

而栢芝原來前日已跟兩名兒子慶祝，5歲多的Lucas與弟弟齊齊畫畫冧栢芝，Lucas期間不時指導弟弟，Lucas畫了一幅宇宙畫，希望母親可像宇宙超人般強大，Quintus則畫蛋糕，並以心心代替車厘子，相信栢芝睇到實冧到爆。