靚佬湯（左）獲粉絲撒花瓣歡迎，開心得笑不攏嘴。（法新社圖片）

湯告魯斯（Tom Cruise）與前妻姬蒂賀姆絲（Katie Holmes）的7歲女兒蘇莉（Suri），被指簽下約1,800萬港元的合約，於今年推出自家童裝系列，認真巴閉！

靚佬湯（左）獲粉絲撒花瓣歡迎，開心得笑不攏嘴。（法新社圖片）

為親近影迷，靚佬湯花近半小時行紅地氈，更被重重包圍！（美聯社圖片）

靚佬湯的愛女蘇莉被指早前簽下約1,800萬港元合約，於今年秋季推出「蘇莉」童裝系列，並於紐約某百貨公司獨家發售，據消息人士說：「蘇莉雖然只係7歲大，但佢對時裝非常有興趣，每個女仔都想有屬於自己嘅衫，睇住佢嘅畫變成真衫應該會幾有趣。」「蘇莉」牌童裝包括裙、上衣、牛仔褲、鞋及首飾，可謂包羅萬有，而姬蒂與形象設計師Jeanne Yang亦會協助。

行紅地氈行足半粒鐘

至於靚佬湯前晚與導演Joseph Kosinski於北京出席新片《攻．元2077》（Oblivion）首映禮行紅地氈，吸引逾千名粉絲到場一睹巨星風采。傳媒指靚佬湯花近半小時才走完僅50米長的紅地氈，沿途不斷向人群揮手，又大方地與粉絲握手及簽名，並以普通話講「謝謝」，冧到粉絲暈陀陀。

靚佬湯受訪時表示，訪京前一晚緊張到失眠，又指曾與Joseph討論於長城拍動作戲的可能性，並透露想參觀故宮及考慮在中國拍電影。