韓國男歌手Psy近日推出新歌《Gentleman》再度熱爆全球，但美國樂隊Green Day主音Billie Joe Armstrong前日竟留言：「呢條友係音樂界疱疹，以為佢已經『謝晒』，點知又「翻發』。」暗嘲Psy《江南Style》一曲玩完，豈料《Gentleman》又熱爆。Psy亦於《Fuse》雜誌回應：「唔明點解話我係疱疹，但個名好型，總之多謝晒。」

而Psy前日於哈佛大學座談會為逾800名師生演講，一眾大學生興奮得瘋狂尖叫，他說：「我喺波士頓讀大學係個好笨嘅學生，入哈佛諗都唔使諗，點知14年後竟然喺度出現，真係正到痹。」他又笑說：「聽講我係第一個冇講稿就嚟哈佛演講嘅人。」