慧嫻爆阿倫囝囝英國讀書

譚詠麟（阿倫）、陳慧嫻和王馨平（Linda）昨日到電台接受訪問，提到有指囝囝拔尖報讀牛津大學，阿倫繼續封口：「我冇咁講過呀！咁多年冇講梗係唔講啦！係想畀個好嘅讀書環境佢，唔知點解有個Uncle飲醉酒講咗咁多嘢出嚟，惟有維持原則唔講啦！多謝晒！高抬貴手畀個安靜啲環境佢讀書啦！」明顯針對早前被指爆響口的吳錫輝！旁邊的演唱會監製欲幫阿倫解圍表示陳慧嫻同樣讀書叻，在外國留學，豈料陳慧嫻不慎漏口風：「唔同，我喺美國，佢個仔喺英國。」阿倫即笑她飲醉酒，而她亦補鑊解釋只是在雜誌上看到。