苟芸慧

在劇集《金枝慾孽貳》中因廣東話不正而被封「ABC宮女」的「苟姑娘」苟芸慧說：「幾得意！我中文麻麻會努力改進，唔慣拍古裝，試過急步走過門檻，我竟然跳過去，畀工作人員笑。（點睇人話你肥苟？）好唔尊重，惟有化做動力，早日搣甩個名。我壓力大就會脹，已經去通淋巴，明白瘦先專業，但其實好多工作鍾意我肥嘟嘟。」

苟芸慧

「受壓」的苟芸慧希望早日與「肥苟」劃清界線。

她又否認與郭富城的緋聞帶挈兩個月賺百萬：「我唔知搵幾多，但就冇100萬咁多。（多謝城城？）感恩可以同佢合作，但拍完冇聯絡，要多謝佢，咪要多謝埋阿Lynn（熊黛林）？佢哋分開好可惜，但我哋唔應該畀評價，我依家清白，輕鬆咗、開心咗！（但Lynn好似嬲你？）覺得佢唔係話我，見面我會主動打招呼，唔想佢誤會！（城城約你會點？）工作嘅可以，單獨約會唔去。（佢有機會？）人嘅命運好難估，唔想講到咁死，但拍拖講性格同Timing，依家未係時候，我唔心急拍拖！」