趙碩之呻收入少：塭埋都唔夠賠
「岩石胸」趙碩之被《好報》獨家拍得到沙灘做運動保養咪咪，有傳她為博翻身而出寫真，昨日她透過電話表示收入不穩定，會考慮出寫真，對於與大名娛樂的合約糾紛，她透露已發律師信予對方，大名娛樂發言人卻表示未收到，雙方仍各執一詞。
操Fit不忘戲水的趙碩之忘形倒奶，自得其樂！
趙碩之前晚出席首映活動時，腳傷仍未愈，真係我見猶憐！
趙碩之不排除與「爆肌曉明」顧又銘擦出愛火。
胡渭康認為趙碩之有足夠的智慧解決問題。
《好報》獨家拍得趙碩之於沙灘「賣肉」操肌。
趙碩之（Wylie）與大名娛樂的合約問題仍未解決，《好報》日前獨家拍得她獨自於沙灘谷D咪Keep Fit，為博翻身的Wylie決定自資出寫真，盡地一煲，故以比堅尼上陣的她大晒36D咪咪，又喪跑又操水，期間更仆倒受傷見紅，要到救護站治理傷口。此外，她被拍得找王菲前私人健身教練、「爆肌黃曉明」顧又銘慰藉，露事業線的她更送抱，可見二人關係密切！
昨日Wylie透過電話直認收入不穩，故考慮再出寫真：「一直有做開運動，喺海邊做運動有多啲正能量！（出寫真？）如果有人叫我出寫真會考慮吓，但依家要搞掂大名娛樂嘅合約先，遲啲嘅嘢唔知。（5年賺唔夠60萬？）我之前唔使交稅，如果佢要我賠，搵埋都唔夠賠！」對於與顧又銘深宵談心，她表示二人只是好朋友，待練出肌肉才與對方談「愛火」。而Wylie自稱已發律師信予公司，但大名娛樂發言人卻表示未有收到，雙方仍是各執一詞。
胡渭康勸好好傾吓
而Wylie前晚出席首映活動時亦提到合約問題：「賠錢方面已經交畀律師了解，要睇吓賠錢合唔合理，但根據合約精神，冇寫明經理人公司蝕錢要藝人孭，尤其公司投資嘅錢都唔係淨係用落我度，其他Artist好似戴夢夢、Yumi（尹蓁晞）佢哋都有，點解淨係追我？唔通公司做舞台劇蝕幾百萬又入我數？」
另外，胡渭康昨日出席活動時表示透過報道得知同門Wylie跟公司的合約糾紛，他力撐公司似大家庭：「其實林建名（大名娛樂老闆）對Artist好好，好似爸爸咁，希望Wylie好好咁同佢傾吓。（打畀Wylie傾？）佢有主見，佢係模始祖，咁大個女識用腦諗！」
