龔嘉欣收起甜美笑容，在劇中不時鬧人！

藝員龔嘉欣在劇集《金枝慾孽貳》扮演宮女之首，不時要破口大罵，她說：「拍嘢嗰陣鬧人都試過口震，戲裏面講我好惡死，成日都要鬧人講道理，幾乎一出場就鬧人。」鄧萃雯曾因壓力太大而患上情緒病，問到龔嘉欣有否感到壓力？她說：「都有嘅，其實大家拍攝時都好緊張，想《金枝貳》好，我又冇嘢喎，可能拍到麻木咗，每日返工同收工就返屋企睇劇本，一星期去一次街，維持咗三個月。最緊張反而係等劇本，返到屋企就Check Email睇吓有劇本未，有就再睇過。」

龔嘉欣收起甜美笑容，在劇中不時鬧人！

蔡少芬（左）經驗豐富，嘉欣大可偷師學習演技。

龔嘉欣首次與鄧萃雯及蔡少芬合作，最初感到戰戰兢兢，但稔熟後才發現兩人沒有架子，不時指點後輩，她說：「雯女同Ada都不時提點我要注意對白細節，例如講嘢嘅停頓位。」