Chris身材火辣，但不愛以此為賣點。

擁32D逼爆上圍的「馬國木瓜」童冰玉，早前來港與周秀娜拍新片，她表示不介意拍全裸戲，最緊要身材正！她與周秀娜「不打不相識」，更大讚對方上圍靚，有意請教秘笈！

Chris身材火辣，但不愛以此為賣點。

童冰玉的白滑玉背亦甚有睇頭。

周秀娜每次都大搶「峰」頭，令不少人大感羨慕。

來自馬來西亞的童冰玉（Chris）日前來港與周秀娜（Chrissie）拍攝新片《爆3俏嬌娃》，她坦言Chrissie給她的第一個感覺是很惡，因對方一有空便會睡覺，直至「互毆」後，兩人才打開話匣子，Chris笑稱跟她「不打不相識」，並大讚對方身材正：「有場講佢捉住我隻手打落牆，佢唔敢用力，問我O唔Okay、就住我，覺得好Warm。打完之後，我哋互相研究傷口，又分享以前拍打戲受傷時會點處理，大家就開始熟。（佢有向你請教『升Cup』秘笈？）我反而要向佢請教！佢真係好瘦，但又Push Up得好靚、好均勻。」

唔想做花瓶

她坦言介意「馬國木瓜」這個稱號，並強調不會賣弄色情，只會在適當時候行性感：「我覺得（木瓜）難聽，有星馬媒體打嚟問，因為我哋嗰邊比較保守，Fans接受我做律師同警察呢啲正氣角色，佢哋可能會覺得我出去咗就大解放，驚有負面嘢！」

雖然戲中造型不及Chrissie性感，但Chris認為演員應做回角色本分，因此不刻意Push Up：「覺得角色唔需要，就唔使成日Show Off，亦唔想人哋覺得我係『花瓶』。（介意全裸拍戲？）我唔排除劇情需要，重點係睇當時身材得唔得，獻醜就咪啦！」