農夫兵分兩路吸金，儲夠銀彈再續音樂夢。

踏入2013年，組合農夫突然「潛水」，久未露面的他們原來已「轉行」！直言出碟不能維生的兩人自爆今年將「分拆上市」，先放下農夫的音樂作各自發展，儲足彈藥再戰樂壇！

農夫兵分兩路吸金，儲夠銀彈再續音樂夢。

C君與陸永一個做主持、一個忙拍劇，搵錢至上。

農夫坦言做音樂唔算搵好多錢，難怪要諗吓計！

農夫去年經歷演唱會撻Q、C君被女朋友悔婚、陸永老婆早年激吻照流出，可謂頭頭碰着黑！本以為農夫會於2013年重振雄風，但卻消失在觀眾視線，他們坦言今年將會先放下農夫身份，各自發展，C君說：「我去咗主持電台節目、陸永去咗拍劇，我哋希望停一停音樂先，唔做唱片住！」而陸永則說：「以前做音樂好似有個任務，為咗頒獎禮、為咗出碟而出碟，依家唔想畀嘢限住，想將音樂同錢脫鈎。」

陸永生夠兩個「收爐」

問到是否拆夥？農夫說：「其實我哋不嬲有分開做嘢，可能今年比較明顯，音樂上依然係農夫。」他們坦言出碟不能維持生活，不過為了創作更好的音樂及繼續出碟，故必須要作多方面發展搵「外快」：「我哋係專業嘅藝人，有多啲瓣數可以做其他嘢。香港淨係賣碟唔得，做音樂一路都唔算搵好多錢。」

陸永即將再度榮升爸爸，第二個囡囡預計七月出世，問到有否搵錢壓力？他說：「搵多啲錢幾時都想嘅。（為養家要再搵多啲？）都係嘅，不過都打算收爐o架啦！」而被拍到有新女友的C君被問到會否對婚姻有陰影，他說：「冇！依家好開心，結婚就隨緣啦！」