蔣家旻翹完仔唔認數

無綫小花蔣家旻與新人朱敏瀚被揭暗交數個月！日前ontv追蹤部隊發現二人十指緊扣現身銅鑼灣，並到一間高級行李箱專門店睇篋。雖然店舖當時剛好關門，但店員亦為她們開門，見蔣家旻不時俯身研究行李箱，而朱敏瀚則在旁給予意見，睇完一輪最終還是「混吉」！二人其後翹手步往開平道，怎料遇上等候導演王家衛的記者，即火速尷尬彈開！問到是否拍拖，蔣家旻竟擘大眼講大話：「唔係呀！（翹晒手喎！）唔係，唔係。（睇篋去旅行？）唔係，佢返工用。」而驚魂未定的朱敏瀚則呆立在旁，全程沒有幫口。