顏卓靈謝絕靠剝上位，露長腿又會唔會係極限？

影壇女新人顏卓靈早前獲頒發最佳新演員獎，演技開始被賞識，雖擁有甜美可愛臉孔，但她直言想以實力闖江湖，拒靠爆炸性新聞或性感上位。

顏卓靈謝絕靠剝上位，露長腿又會唔會係極限？

勇奪新演員獎的顏卓靈備受認同，令她開心又緊張。

顏卓靈指在任達華身上學到不少嘢，有助提升演技。

顏卓靈（左起）有幸與泰迪羅賓、任達華與陳慧琳等合作，上位機會不斷！

現年只有19歲的影壇新人顏卓靈（Cherry），最近成為電影《寒戰》監製鄧漢強成立的悅目影畫旗下藝人，積極向大銀幕發展。早前，她便出席電影工作者總會春茗，憑電影《大追捕》獲頒「年度最佳新演員」一獎，為星途打下強心針！感性的Cherry直言得獎心情抽象，猶如手上透明的獎座一樣難以形容：「我好細個就開始拍廣告，但唔係識好多電影人，原來一直有前輩留意我演出，仲畀呢份認同我！嗰晚我全程都戰戰兢兢，期間有位前輩話同我影相，我仲以為係叫我揸機咋！」

主演電影口碑佳

自認不擅交際的Cherry相信有麝自然香，默默以演技打動人心，拒靠爆炸性新聞或剝衫走紅：「咩叫爆呢？就算有好多新聞都唔等於開心，亦未必Last得耐，我希望演好戲，喺人嘅心目中爆出嚟，今次得獎對我嚟講已經好爆！」《大》片導演周顯揚亦寄語Cherry叫她耐心等待好劇本，不要濫拍，Cherry說：「我都係咁諗，之前有人游說我有方法得到更多名利，但我想做鍾意嘅嘢，唔急於出名，紅唔紅都冇所謂。」早前，Cherry有幸與影帝梁家輝及天后陳慧琳合作靈異電影，另一擔正主演的青春跳舞片《狂舞派》早前又搞試映，口碑甚佳，證明這位「年輕實力派」一樣機會不斷。