小儀扮演灰爆港女，勁頭痕！

DJ阮小儀一直予人活潑爽朗的感覺，不過，她將挑戰自我轉換風格，在舞台劇中化身絕望港女，以黑色幽默表達出香港人正在面對的「絕望真相」！

小儀扮演灰爆港女，勁頭痕！

Otto（左起）、小儀及火火連跳姿都異常合拍！

電台DJ阮小儀主持的節目極受歡迎，她近年不時跳出大氣電波演出舞台劇，而今次則夥拍EO2成員Otto及導演火火，以黑色幽默反映人生！故事講述一班「滑晒牙」的港人如何自處，豈料戲如人生，現實中的小儀及Otto都曾經歷過「點做都係咁」的生活，小儀說：「佢（Otto）初出道諗住做第二個城城（郭富城），點知咁多年都仲係咁！」Otto說：「以前成日話要衝出亞洲，買機票咪衝到囉，有冇Job做都係咁o架啦！」小儀續說：「細個見人讀完大學就搵到高薪厚職，但自己畢咗業又係另一回事，想升職又要等有位，咁要等幾耐呢？慢慢哋就覺得點做都係咁啦！」

「獨」女夠悲情

雖然舞台劇赤裸裸地揭示了港人的無奈，但小儀希望觀眾能在逆境中學會享受，Otto補充：「當你接受咗現實後，唔好再鑽牛角尖，會令自己更辛苦，我會選擇做運動，尋找快樂。」火火大爆小儀在笑容背後其實滿載「悲情」：「我就係睇中佢咁多年都係一個人過，所以相信佢可以好好咁飾演一個充滿絕望嘅女人！」