張家輝買衫 冇「顧問」揀唔落手

影帝張家輝曾表示平日由太太關詠荷做其「形象顧問」，日前他難得現身中環置裝，當日戴帽的家輝於百貨公司揀鞋，店員還向他推介數款涼鞋，但試穿後他卻擰擰頭，似乎不合心水。他再揀斜孭袋，想不到演戲揮灑自如的他，揀袋時卻心大心細，還謹慎得如驗屍一樣，研究了十分鐘後最終「混吉」走人。之後家輝會合男友人前往戲院睇戲，散場後再出擊，到附近的時裝店揀褲，他雖拿了一條杏色長褲試身，但最終仍兩手空空離開。