嘉玲以一身野性打扮到澳門新濠天地主持慈善開幕儀式，令人眼前一亮。

劉嘉玲昨日出席活動時，自爆被冒名開Facebook（fb）帳戶，但嘉玲未有動怒，反而大讚對方比追求者更勤力上載其照片，更不介意被利用，認真大方。

嘉玲以一身野性打扮到澳門新濠天地主持慈善開幕儀式，令人眼前一亮。

嘉玲與新濠博亞娛樂營運總裁陳應達（左）及「關懷愛滋」署理行政總裁Dirk van der Tak合照。

雖然被冒名開Facebook帳戶，但嘉玲心情未受影響。

劉嘉玲昨日到澳門新濠天地出席《Taboo色惑2013慈善開幕禮》並主持頒贈儀式，嘉玲身穿露肩短裙配皮褲，展示野性一面。提到早前在Facebook寫了一段文字：「接受了困難的遭遇，我們就不會再有任何的損失，因為接受即是最大的收穫。」嘉玲稱只是想與大家分享人生，鼓勵年輕人積極面對困難。不過她澄清該戶口並非她本人登記，而是被冒名開戶：「我發現咗年幾，有叫公司調查係咩人，我都有Inbox問過對方，但對方冇回覆。」

嘉玲笑言要向Facebook舉報，但認為對方的行為出於善意，懷疑是其影迷所為：「佢只係Copy我寫嘅文字同相片，冇加任何嘢，仲勤力過我，我都好想知佢係邊個。（會唔會覺得畀人利用？）被利用唔係壞事，只要唔係壞嘅動機。（係你追求者？）追求者冇咁勤力！」

飛康城睇首映

嘉玲又透露剛由紐約回來，現時還有時差，稍後又要飛到康城，出席其有份主演的電影《過界》首映禮。提到好友章子怡是今屆康城影展的評審，會否着對方多留意其作品？她強調不會談這個話題，又自爆最近愛上舞台劇，希望有機會嘗試：「我冇諗過做咩角色，但要過癮嘅，唱歌都可以，不過最快都要出年或者再下一年。」