台慶劇救亡 兩視帝鬥法

無綫重頭劇《金枝慾孽貳》及《神探高倫布》收視持續低迷，更罕有地遭觀眾嗌Cut求腰斬，無綫惟有盡快諗計谷收視。據知，由兩大視帝陳豪及黎耀祥（祥仔）合演的台慶劇《傳愛事務所》，將成為無綫的「救亡之作」，該劇監製徐正康昨日坦承聽聞過此事，他說：「咪咁講，不過呢個劇嘅劇種同卡士都唔錯，係穩陣嘅。」他又指對此劇有信心兼相當滿意，更大讚兩位男主角很快掌握角色情緒。問到師奶觀眾能否理解該劇？他說：「原則上起碼入到口先，呢個係我要求嘅大前提。」提到陳豪和祥仔有機會憑該台慶劇爭「視帝」，他笑言不敢妄下判斷：「都有機會。（睇好邊個？）兩個都有自己嘅獨立設計。」