Kelly玩得肉緊，一度反白眼，最終贏得13萬獎金。

貴為樂壇「潮媽」的陳慧琳、謝安琪都是有子萬事足，對於母親節即將來臨，陳慧琳自爆獲大仔劉昇主動獻吻冧爆！謝安琪不需要禮物，以免讓兒子變得物質化。

Kelly玩得肉緊，一度反白眼，最終贏得13萬獎金。

Kelly與草蜢玩遊戲，表現投入。

吳雨霏和關楚耀錄影時興奮到手舞足蹈。

為免囝囝變得物質化，Kay不主張送禮。

周日（12日）是母親節，陳慧琳（Kelly）前晚與關楚耀和吳雨霏挑戰遊戲節目《決戰一分鐘》時，最終成功贏得13萬獎金。

賽前Kelly自爆突然獲大仔「蝦餃仔」劉昇主動獻吻：「佢突然放學走過嚟，先錫我膊頭再同我講Happy Mother's Day，媽媽I Love You，第一次自願叫，真係冧爆！遲啲應該會收到禮物，細佬就未知發生咩事。」

另一邊廂，謝安琪（Kay）昨日到電台宣傳新歌《最好的時刻》時透露，部分國語歌要到台灣錄影，故下月往台灣兩個月，惟碰巧是兒子張瞻生日，故出發前會替兒子籌備生日。問到可會送厚禮冧囝囝？她說：「唔使，佢份人簡單，我唔想令佢太重物質，母親節我都叫佢唔使送嘢。」

促設閉路電視監控

對於有兩歲小童傳被老師體罰，Kay表示未有留意故不作評論，但他們不主張體罰，相反Kelly顯得心痛非常：「佢咁細咩都唔知，大家要有耐性，不如每間課室都開閉路電視，24小時監控！（擔心劉昇？）好彩佢師生關係好好。」