Jeana獲鵬哥大讚醒目，更表示希望學識「爆肚試咪」絕技。

扮嘢宗師盧海鵬昨日教模何佩瑜做戲，大讚她醒目，但拒絕傳授「爆肚試咪」絕技！鵬哥透露將於扮嘢騷大講娛樂熱話，但不會學Ar Yu露暈。

Jeana獲鵬哥大讚醒目，更表示希望學識「爆肚試咪」絕技。

鵬哥跟唐寧（後排右一）及Jeana（後排左二）等錄影節目，相處融洽。

盧海鵬（鵬哥）昨日偕模何佩瑜（Jeana）及唐寧等為有線新節目《掃毒大家庭》進行錄影，對於Jeana表示獲鵬哥教做戲，並笑言希望跟他學「試咪」，鵬哥說：「咁快？唔使啦！未學行先學走，慢慢嚟啦！佢都好醒目。」

宣傳片已露點

提到下月於紅館舉行的《詹瑞文盧海鵬紅館奇幻扮嘢大典》，問會否請Jeana做嘉賓？鵬哥說：「未考慮，但佢同個騷以及詹Sir（詹瑞文）好似冇關係，依家都未知請邊個，我想請EYT嘅朋友嚟睇。（有乜爆點？）暫時未透露得住，時事話題會少啲，主要講娛樂嘢，但我哋唔會話攻擊邊個，只係做高興嘢，令大家開心。」

日前模Ar Yu（曾寶玲）露暈與巨鴨合照成熱話，問到會否在騷上「案件重演」？鵬哥笑言不會，又稱在宣傳片已露點。至於Jeana則表示對Ar Yu的事不知情：「凡事都有意外，做好自己工作啦！可能有時工作人員唔記得戴（乳貼），但防走光係自己嘅責任，唔可以依賴人。」

另一方面，Jeana否認與男友張柏文分手，但坦承雙方曾出現溝通問題：「我覺得每對情侶太了解對方，點都會有摩擦，呢啲摩擦都係好事，溝通多啲。（有小三？）完全唔係因為外人嘅問題。」