香香楊怡又攬又錫扮Friend

藝員楊怡和岑麗香等日前在深井拍攝劇集《On Call 36小時II》的沙灘戲。近期有傳楊怡男友羅仲謙對香香愛護有加，但兩女席上有講有笑。對於緋聞多冧盡男同事，香香說：「唔覺佢哋對我特別好，可能因為我O型血惹蚊，大家先黐埋嚟。（同謙仔嘅緋聞？）好無聊！完全唔覺有咁嘅事，我同阿怡好好感情，之前出Trip我仲專登調位同佢坐。」楊怡表示與香香很Friend，問到會否叫謙仔與對方保持距離？楊怡笑說：「我會叫香香黐我多啲，不如我哋傳緋聞啦！」香香走向楊怡，攬頭攬頸又作狀錫錫。