歌手張敬軒去年約滿環球後，一直盛傳轉投英皇，但加盟消息遲遲未公布，近日再有傳其經理人開價4千萬作軒仔及廣州錄音室的贖身費。軒仔昨日在電話中否認其事，還戲言價錢太低：「我真係勁唔開心，我淨投資喺錄音室已經5千萬，雖然我唔係識生金蛋嘅鵝，但我勝在聽話，係一隻乖猴子。」

另外，他又義正詞嚴地說：「我嘅新動向幾明朗，我首次正式承認我簽約畀英皇。」軒仔又補充指早於2006年英皇老闆楊受成已向他招手，雖然近年曝光率減少，但楊生亦誠意拉攏：「英皇開咗個開心價畀我，希望借英皇喺內地嘅平台幫我開心舒服地發展，我唔係新人，我有信心幫公司搵到錢嘅！」