黃子華自言有二頭肌和肚腩，更大讚徐子珊很纖瘦。

黃子華相隔四年再返無綫，接拍文偉鴻監製的新劇《My盛Lady》（暫名）。昨日該劇首日開工，對於拍檔徐子珊為迎合他刻意減磅，弗爆的子華笑指全無綫及香港的女仔也很纖瘦：「放心啦！我除衫之後二頭肌幾驚嚇，唔只得棚骨，係小肥仔，瘦骨仙但有肚腩，都幾難練到！（再拍劇怕捱唔到？）4年捱一次唔緊要，有晒心理準備。（早排同成功抗癌嘅老友張達明聚會？）佢身體一日比一日好，仲飲得吓酒，幾高興，戥佢開心！（TVB搵你叫達明返嚟客串？）等佢身體再好啲做咩都得，依家略瘦。（達明想返幕前？）佢唔停得，依家做緊幕後工作，充滿精力。」

黃子華自言有二頭肌和肚腩，更大讚徐子珊很纖瘦。

同場的陳嘉佳（細細粒）透露因與前輩合作，前晚緊張得未能入睡：「愈睇劇本我愈想減肥，3年後後開始。（以子珊為目標？）一定，一係唔減，一減就要勁瘦，一定嫁得出。」