Kenny坦言沒有能力負擔高昂的租金。

關智斌（Kenny）日前曾到訪緋聞密友張敬軒的新居，他大讚：「佢間屋好靚，（黃）秋生、Yumiko（鄭希怡）個個去過都讚不絕口，我最鍾意佢個公用花園、仲有14呎長嗰個英國火爐，軒仔好鍾意法國風情，所以佢擺咗好多特色擺設喺屋企。」他謂軒仔的新居夠大，廚房有足夠空間招呼逾十位朋友開派對。

Kenny坦言沒有能力負擔高昂的租金。

當Kenny得知租金高達10萬元，且每月要多付逾萬元的文物保育金時，他即驚訝說：「吓？乜咁貴咩？佢（軒仔）都冇同我講，佢都發神經，咁貴。」問他是否不捨得花10萬元租樓？Kenny說：「我梗係唔捨得啦，我邊好似佢咁有錢，租得起咁貴嘅樓喎！如果有10萬蚊，我寧願攞嚟供樓，層樓到時都係自己嘛，不過以佢層樓嗰個地段，有咁好環境，10萬都係抵嘅。」他又指軒仔租屋前，未有跟他商量：「都唔關我事。」他亦沒有想過跟軒仔夾份租住豪宅。