洪卓立成功轉型，開心不已。

洪卓立一改仔形象，搖身一變成為「成熟男」，不料卻鬧出笑話，他自爆變Look後，竟然連阿媽都唔認得，幸好女友湯怡「有眼光」，還大讚他靚仔又OK。

洪卓立成功轉型，開心不已。

大批Fans捧場，洪卓立率先為行動不便的Fans簽名，相當貼心！

洪卓立揸機與Fans玩自拍。

洪卓立（Ken）昨日舉行新碟簽名會，吸引200歌迷到場支持，兩名坐輪椅的女Fans更獲優待率先獲得Ken的簽名。入行6年決心改變形象的他，轉走成熟路線，「轉型」可謂徹底成功，皆因竟然連洪媽媽也「生仔唔知仔新樣」！

Ken大爆笑料：「佢去唱片舖搵唔到我隻碟，以為咁犀利賣斷市，原來係媽咪唔認得我，搵唔到隻碟，因為我今次造型比較Man。」他沾沾自喜覺得是好事，證明新形象跟以前是差天共地。問到女友湯怡可有不認得他？他指湯怡望了他很久才認得，最後都接受他的「新樣」：「佢都覺得OK，幾靚！」

諗計再搞突破

此外，Ken透露年底會再出碟，希望屆時形象上再有突破！他說：「睇吓到時會唔會到阿爸唔認得我！呢排開始做運動o架喇！（想變大隻仔？）變番個正常人啫！我幾難操到William（陳偉霆）咁！」