何傲兒緋聞男友 澄清冇揭Iris裙底

「爆E超蓮」Iris（鍾采羲）日前到夜店消遣時被人揭起短裙，何傲兒緋聞男友、從事金融業的Wilson被指牽涉其中。Wilson昨日帶同當晚場內的閉路電視片段，於酒店舉行記者會，他說：「我相信傳媒係正義，相信當晚現場嘅燈光、角度問題先會有呢個錯覺。」從他提供片段中的另一個角度來看，現場燈光昏暗、人頭湧湧氣氛高漲，一名女子突然揭起Iris短裙。問到Wilson該女子是誰？他含淚說：「唔知，唔方便講。今次只係想還自己一個清白。事件發生後好多親友打畀我問，我覺得對我聲譽同前途有影響，唔想承受非禮女仔呢個罪名，如果未來要見外父都唔知點解釋。」記者昨晚致電Iris，她說：「當晚我冇追究任何人，如果佢做咗自己想做嘅事就得。」而何傲兒說：「我哋係朋友，緋聞係傳媒寫出嚟。呢件事我都有Send短訊畀佢，依家真相大白就得啦！」