關智斌（左起）、黃秋生、梁洛施、張敬軒與甄詠蓓，在軒仔家中聊天兼醫肚。

黃秋生與契女梁洛施、張敬軒與密友關智斌及詹瑞文前妻甄詠蓓，據知前晚在軒仔家中聚會，秋生在電話中說：「本來約咗軒仔同甄詠蓓傾舞台劇，後來要煮嘢食，工序超多，傾唔到啦！我煮咗焗麵包、番茄湯同蜆肉意粉。（斟梁洛施合作舞台劇？）冇呀！湊仔咪仲好！（佢有冇帶埋啲仔見你哋？）咁細個又要返學，帶住周圍走咩！（佢幾時離港？）冇問，佢幾時走對我嚟講，都係得尋晚一晚，又唔會日日約出嚟嘅。（佢有冇分享戀情近況？）冇喎！成班人傾偈，佢好靜咁坐喺旁邊笑囉！」

關智斌（左起）、黃秋生、梁洛施、張敬軒與甄詠蓓，在軒仔家中聊天兼醫肚。

而軒仔則表示一直想向秋生拜師學戲：「出年我哋舞台上有合作，傾落幾投緣就約食飯，我仲同秋生哥約埋去超市買餸添！秋生哥話帶多個朋友嚟，就係梁洛施，原來佢哋約咗同一日。（關智斌在場？唔驚又傳你哋斷背？）唔驚，我哋就嚟都係同事，佢嚟學做戲同煮嘢食。」