趙碩之昨日再度哭訴，斥公司「講金唔講心」，令她感無助。

模始祖趙碩之就續約一事與公司大名娛樂發生糾紛，日前她哭訴遭公司欺騙「加監」5年；昨日老闆林建名非常憤怒，強調要追回四十多萬元「贖身費」，碩之得悉後不甘示弱，直斥公司「講金唔講心！」

趙碩之昨日再度哭訴，斥公司「講金唔講心」，令她感無助。

對於趙碩之哭訴一事，老闆林建名昨日扯火，直言很嬲對方！

林建名

大名娛樂旗下的趙碩之日前接受本報專訪時，哭訴與公司因續約問題關係破裂，更表示遭公司無故「加監」5年，若「解約」便要賠償四十多萬元，令她感到被騙；大名娛樂則強調與她簽的經理人合約列明5年死約結束後，公司有優先權決定是否續約，若公司有意合作，5年新約便會自動生效，雙方各執一詞！

老闆林建名昨日出席活動時，談及趙碩之哭訴即勞氣地說：「冇辦法，佢梗係唔開心啦！（了解佢嘅情況？）一路有了解，開咗3次會，但佢一直冇答覆。」記者指趙碩之表示當他爸爸般看待，他竟不屑地說：「希望係啦！」問到是否嬲對方，他按捺不住怒火大喊：「當然嬲啦！每次開會都用兩個鐘！（若佢解約要賠四十幾萬？）係，呢個係投資喺佢身上嘅成本，冇賺佢，都冇計佢職員費用呀！」並直言對碩之很失望！

哭訴求助無門

另一邊廂，趙碩之昨日接受本報電話訪問時繼續愁爆，她以沙啞聲音說：「我以為大名娛樂係一個家庭，會喺呢度成長，10年都冇所謂，但中間發生嘅嘢唔係我想要，大家冇共識，而且佢哋講金唔講心，本來我都想講情義，但依家真係唔得囉！」愈說愈激動的她，最終忍不住在電話中哭泣。對於林建名指她沒有回覆，她出言反駁：「開過幾次會，但每次都開得好急，每個會開唔夠一粒鐘，我喺會上講想走，佢哋就話要賠錢，根本唔知佢想我喺會上答乜嘢！究竟要答應續約定賠錢？我完全搵唔到幫助！」