Stephy穿上鬆身衫，還自爆：「不如話我有咗啦！」

藝人鄧麗欣（Stephy）昨日與徐子珊、黎耀祥、沈震軒、丘凱敏及洪卓立出席公開活動，Stephy透露早前放假去旅行，但否認與男友方力申結伴：「同朋友去，佢要搵錢吖嘛！（結婚未？）未結呀！點解你哋唔信？我今日着鬆身衫，不如話我有咗啦！」她自言未有結婚計劃，而小方亦未求婚，問到是否希望有B後才結婚？她表示不介意：「結婚都係為咗生B，不過就唔希望程序調亂啦！（安全性行為？）我個人本身好安全。」而以連身裙上陣的丘凱敏肚凸凸，上落樓梯要工作人員小心扶實，疑似大肚的她笑笑口否認：「唔係！可能減少咗工作，肥咗啲。（小器唔講得？）唔係！（有生B計劃？）順其自然啦！（不設防？）幾尷尬！我隨時都可以迎接BB。」

Stephy穿上鬆身衫，還自爆：「不如話我有咗啦！」

肚凸凸的丘凱敏孕味甚濃！

徐子珊節食減肥，唔驚暈低！

祥仔夫婦晒恩愛！

另外，同是今日生日的黎耀祥和沈震軒均表示要在工作中慶祝，沈震軒透露昨日首日為葉念琛的電影開工，談到該片原本有已故歌手陳僖儀（Sita），問到開工時可會想起傷心事？他說：「我返嚟見到同事，知道要Life Goes On，要Take It Easy，都教到我一樣嘢，就係有啲咩想做就盡快做。」而49歲生日的祥仔被問到囝囝送了甚麼給他時，他說：「佢冇乜表示喎！不過佢平時有送，我依家着緊條褲都係佢買，因為買一送一。」