YoYo爆經「手」人疑非伊健
鄭伊健在昨日《好報》刊登的獨家專訪中自爆，與老婆蒙嘉慧（YoYo）的婚戒內刻上對方的指紋！不過，昨日YoYo回應時竟反爆婚戒的指紋有機會並非伊健「真迹」，但無礙兩人的新婚幸福心情！
雖然指紋婚戒有機會搞亂咗，但YoYo並不介意，最重要與伊健開開心心。
伊健與蒙嘉慧拍拖多年經歷風風雨雨，最後受同志朋友啟發而決定結婚。
伊健接受查小欣訪問時指YoYo甚孝順老爺奶奶，會陪他返家食飯。
伊健接受《好報》專訪，剖白新婚後的兩人世界。
設計圖片及對白
昨日《好報》刊登新婚不久的歌手鄭伊健之獨家專訪，剖白與蒙嘉慧（YoYo）婚後的甜蜜生活。伊健又自揭兩人婚戒的秘「蜜」，原來戒指內並非如傳統般刻上對方的姓名、生日日期或結婚日期，取而代之的是刻上彼此獨一無二的指紋，有心思之餘更顯得浪漫非常！昨日記者致電「鄭太」YoYo，她興奮地回應婚戒的秘密，顯然對老公的心思及大方表現嗒晒糖，還自爆婚戒另一秘密！
當記者問及婚戒時，電話另一邊的YoYo難掩雀躍心情，並透露在網上訂戒指前後的「蝦碌」事：「對戒指其實我哋『玩』咗好耐，由起初唔知印邊隻手指嘅指紋，到隻戒指真係運到嚟香港，先發現原來Size唔啱嘅，個款仲變咗唔係我哋要嘅款，戒指由啞面變咗光面，真係搞咗好耐！」最後經過一輪波折，他倆才得到現時無名指中的甜蜜婚戒，難怪YoYo提醒大家：「大家上網購物真係要小心啲！」
撥頭髮飛甩戒入(車立)
聽見YoYo提起指紋婚戒即冧晒，記者搞笑問她既然戒指錯漏百出，指紋又會否不是自己？她竟答：「唔知o架！不過我哋着重過程，反而覺得好開心，咪照戴囉！冇所謂！」還自爆戴「錯」婚戒的生活軼事：「我曾經試過撥頭髮時，隻戒指飛咗出嚟！仲飛咗入(車立)！」其後，她特意在日本買了一個塑膠的戒指托，才令「飛戒」事件未有重演。
伊健與YoYo都是率性隨意的瀟灑一族，伊健在《好報》專訪中透露，因一對同志朋友的心底話，才領悟到婚前婚後的大不同：「對我嚟講婚前婚後冇咩分別，但原來一紙婚書的重要性在於法律身份。我有一對同志朋友同我講，佢冇法律身份，如果另一半入院要做手術，佢連簽名同意嘅資格都冇。我亦見過一啲前輩冇同另一半結婚，以至到對方走咗後失去咗好多權利。」如今伊健坦承因疼錫YoYo而願意揮筆簽紙結婚，難怪令她如此甜入心！
