葉翠翠自評演技合格

葉翠翠於《金枝慾孽貳》的表現屢受批評，有指其演繹如背對白般，她表示當初接拍此劇非常開心，拍攝期間卻壓力爆煲而暴瘦：「壓力真係大，瘦咗好多，中醫開咗啲開胃藥畀我，之前未試過咁樣，拍呢套劇係入行以嚟最大壓力同辛苦，可能大家都抱好大期望。」提到外界反應，她說：「朋友有同我講，話唔知我講乜（對白），其實網民已經寫得好仁慈，我都覺做得麻麻，一來收劇本好遲，二來根本拿捏唔到，畀自己50分，當時我有問過可唔可以重拍，但冇咁嘅時間。」問到會否因此而被打沉？她說：「唔會，從來冇諗收視，淨係諗要做好佢，拍嗰陣付出120分努力，但冇辦法，最緊要有人講、留意自己，呢樣先係最重要。」