壽星Monna聲稱畀鬼胸襲

o靚模「混血E神」林宜芝（Monna）早前獲粉絲搞生日P，她笑言願望是不會老。盛傳獲有米男友照顧的Monna，問到想對方送甚麼禮物？她說：「想收親手做嘅嘢，可以擺喺屋企，望見都諗起佢。」她透露今年暑假不會推出寫真：「年年出都會悶，今年想諗啲創新嘅嘢，可能出Video，立體啲精彩過睇相！（全裸？）唔會，依家唔興！（你錫身？）唔係，驚人睇到悶，個個都咁就冇特別。」Monna稍後將主持有線節目《怪談》，大膽的她表示曾有兩次「撞鬼」經歷：「有次瞓覺突然郁唔到，覺得背脊有啲涼，好似有嘢想攝入身體，又聽到抖氣聲，我鬧完佢之後就郁得番。事隔一個月，見到個影，有鹹濕鬼摸我個胸，仲見到佢望住我，勁驚！」但她指節目中有法師助陣，故會很放心。