馬浚偉轉戰公仔箱多年,拍劇無數,大家又是否記得他是歌手出身?

馬浚偉接受《娛樂onShow》主持俞詠文訪問時,笑談重返「樂壇」的背後原因,以及與「契妹」楊怡相識的趣事。

馬浚偉轉戰公仔箱多年,拍劇無數,大家又是否記得他是歌手出身?

馬浚偉與主持俞詠文邊歎壽司,邊分享拍劇和唱歌的點滴。

馬浚偉與楊怡因拍劇而成為好友,但原來兩人十年前已結緣。(資料圖片)

相隔十年,馬浚偉重返樂壇再出碟。

馬浚偉自爆當年輸畀鄭嘉穎奪叱咤男新人銀獎,而銅獎則從缺。

原來馬浚偉早於20年前以歌手身份入行,當年他更取得「叱咤男新人銀獎」。當被主持俞詠文(Angela)問到為何後來退出樂壇時,他即踢爆當年得獎的背後「玄機」:「當年得兩個男歌手競逐新人獎,一個係我,一個就係鄭嘉穎,銅獎係吉o架!」問到今年重返樂壇兼推出新唱片是否為紀念「斷層」樂壇10年時,馬浚偉說:「呢張唱片唔係因為93年、03年有出唱片所以今年都出,亦都唔係20周年入行紀念唱片,事實係因為我決定想做嘅時候,又咁啱有投資者投資。」

拍1.5套劇夠買豪宅

近年密密在內地搵銀的馬浚偉,曾揚言拍一套半劇集便可買得豪宅,他笑笑口表示是開玩笑,而今年推出唱片亦非想賺錢:「因為我都鍾意唱歌。」

其派台新歌《心照》是講述友情,靈感亦是源於他與一班運動員朋友的交流,他說:「呢幾年除咗拍劇之外,就係打羽毛球,所以識咗好多運動員朋友。其實運動員都有一種特質,就係好直接,佢哋唔會諗太多同有太多複雜嘅想法,所以同佢哋相處得好開心。」

即將返回無綫拍劇的馬浚偉會與「契妹」楊怡及「二哥」麥長青做對手戲,當提及十年前楊怡曾任其MV女主角時,他說:「我當時對佢完全冇印象,唔知佢就係楊怡。」其後兩人因合作拍劇而成為好友兼契兄妹。如想知更多馬浚偉及身邊好友趣事,請Click入《娛樂onShow》收看。