即將推出新歌的BON，希望大家認得他的靚聲。

現年22歲、外形肥嘟嘟的新進歌手葉寶安（BON），體重原來高達200磅！雖然潮流興瘦身，但BON謝絕刻意減肥：「其實由小六開始一直肥到依家，做咗歌手都唔會刻意減，因為咁先係一個標誌，等大家都認得我！」此外，將於下月推出第一首新歌的他，自爆是扮聲高手，更曾因此譜出不少笑料：「有一次同班朋友去唱K，我點咗側田嘅歌，唱咗一陣啲朋友問：『你做咩唔撳走伴唱？』我就呆咗同佢哋講：『吓？我咪唱緊囉！』嗰刻先知原來佢哋覺得我同側田把聲好似！」不過要數扮得最似的歌手，BON表示「情陷」關菊英：「我最鍾意扮菊姐唱歌，次次唱都勁High，因為連自己都覺得似！」雖然扮聲功夫確有一手，但他透露新歌會以自己聲線示人：「我會用番自己嘅演繹方式，等大家可以透過音樂認識我！」

即將推出新歌的BON，希望大家認得他的靚聲。

關菊英是BON喜愛模仿的歌手之一。