黃婉曼中學時期為了嚇走追求者，不惜「講大話」。

nowTV節目主持黃婉曼（Icy）原來於中學時代積極參加課外活動，因而吸引不少裙下之臣，但Icy對於他們的熱烈追求卻大呼怕怕，為了嚇退他們，只好裝有男朋友讓對方知難而退。

黃婉曼中學時期為了嚇走追求者，不惜「講大話」。

外貌甜美的Icy，自然吸引不少裙下之臣。

Icy與男友感情穩定，早前更拍拖行街。

黃婉曼（Icy）現時擔任不同類型的主持工作，活躍程度甚高，原來早在中學時代她已參加多項課外活動，田徑、彈結他、朗誦和書法等，可謂文武雙全！而Icy在課餘時間所展示的魅力更令她引來不少狂蜂浪蝶，令她只好「講大話」耍走他們：「中學嗰陣有7、8個男仔追我，但我會呃佢哋我有男朋友，跟住我有一段時間喺深圳讀書，我就同佢哋講我香港有男朋友。」

鼓勵做喜歡的事

Icy不惜講大話令追求者知難而退，原來是因為害怕拖欠對方：「我好怕畀男仔追，對我嚟講，愛情係我愛佢，佢愛我，咁就啱晒！如果要經過佢拚命咁追，咁呢種就係一種考慮，就唔係真愛！同埋對方愛自己太多，但我又還唔到畀你，咁對方仲傷心，不如第一時間同佢講：『Sorry！我哋冇可能！』基本上我依家都唔會同男仔單獨出街！」

談到與男友的感情，Icy表示彼此感情要好，在拍拖兩年多期間，男友給予她很大自由度，還鼓勵她做自己喜歡的事。不過，提到拍拖初期，Icy坦言曾一度不習慣：「一開始識我淨係知道我係喺電視台做，後來佢同我一齊上咗報紙先知我係公眾人物，所以初頭我哋都有少少唔慣，因為我唔想影響對方嘅生活。」