封肚「收爐」的蔡少芬，表示餵人奶令她消瘦不少。

蔡少芬（Ada）昨日到柴灣拍廣告，早前誕下細女張信兒的她已收身不少，並揚言封肚「收爐」：「瘦番啲仲差8磅，個女依家12磅。我餵人奶，佢不停咁食，食完又屙、屙完又食，搞到我勁攰，但見佢肥嘟嘟、節瓜肉都覺得值得。」

封肚「收爐」的蔡少芬，表示餵人奶令她消瘦不少。

對於主演的《金枝慾孽貳》收視差，Ada說：「有啲難過，希望觀眾畀啲耐性去睇，我睇緊嗰陣，囡囡喊都係塞個公仔畀佢，但囡囡以為化大戲妝嘅關禮傑係我囉！（鄧萃雯鬧零劇本？）只係未有對白，有分場、故事大綱都知講乜，可能同阿戚（監製戚其義）合作過好多部冇咁大壓力，反而唔使做咁耐功課，唔會有個設定喺度，做出嚟自然啲。」

問到雯女與戚其義是否欠默契才產生誤會？她說：「希望冇啦，我想聯絡雯女諗吓有咩辦法谷宣傳。（你拍阿戚啲劇收視都差？）拍嘢要睇天時、地利、人和，《珠光寶氣》喺內地都幫我好多，收視係重要，但享受拍攝過程，同佢哋合作係榮幸，再拍係因為有質素，雖然劇本飛紙仔係辛苦。」