近日是非纏身的伍姑娘，承認曾做「小三」和吸毒。

有傳與鄧萃雯爭風頭而內訌的伍詠薇被翻舊帳，被爆曾做「小三」、吸毒和加入黑社會，她笑說：「預咗是非多，但希望幫到個劇！」

近日是非纏身的伍姑娘，承認曾做「小三」和吸毒。

伍姑娘指雯女太忙才無暇開P，否認兩人不和。

伍詠薇（伍姑娘）和鄧萃雯因《金枝慾孽貳》一劇而頻頻曝光，昨日有報道指伍姑娘自爆曾吸毒、加入黑社會和做「小三」！她在電話中承認全屬事實，但內容都是以前做訪問時說過，屬舊料翻炒：「個記者打嚟，問我係咪咁樣咁樣，當時我喺酒店房開緊P，仲開咗Speaker畀啲姊妹聽，佢哋只不過將全部以前嘅訪問輯錄而成，根本我冇同佢哋做專訪。」

盡量配合宣傳

此外，伍姑娘風騷大晒與宮女「姊妹」的開房P歡樂照，沒有預劇中的死對頭雯女的份兒，但她坦言與雯女沒有不和，只是與一班宮女「姊妹」拍攝時種下的情太深而已：「第一次開房P時有叫佢，但佢唔得閒，鄧萃雯多嘢做，真係忙到死。其實大家咪諗得咁複雜，邊個得閒咪邊個嚟，不過我同一班宮女都玩得比較癲！」

對於雯女日前寸爆指無綫冇預她拍宣傳片，伍姑娘說：「我聽唔到佢講時真正嘅語氣，公司叫我哋宣傳，我哋會盡量配合，呢個係Team Work。（你風頭太搶，令雯女不滿！）唔會啦！大家係成熟演員，有深度。」