跳到氣喘的吳千語改以玩花式，作另類搶鏡！

混血名模Mandy Lieu近日與藝人金剛傳出緋聞，Mandy昨日出席活動時如沐春風，提到金剛時更冧爆，忍不住大叫好Hot，一副「春心蕩漾」的樣子，更配合地穿低胸裝玩跳繩，心情和身材同樣蕩漾。

跳到氣喘的吳千語改以玩花式，作另類搶鏡！

裝備十足的吳千語（右）及Mandy等，席間表演跳繩。

名模Mandy Lieu與吳千語昨日同穿運動服出席護膚品牌活動，但Mandy的運動裝在谷胸的效果下，騷出4吋事業線，風頭蓋過同場密實打扮的千語，兩人其後被安排到台上跳繩，Mandy跳繩時上圍蕩漾，令現場氣溫一度飆升，吸引不少途人圍觀！

Mandy受訪時，提及金剛即心情High爆笑不停，透露兩人是到福岡拍《獎門人》時認識：「佢筍盤嚟o架！（金剛係咪鍾意你着得性感？）咁我要着多啲！」問到是否撻着？她大笑說：「佢為人很Nice，風趣同Gentleman。（嗒糖？）值得讚就讚，總之開心囉！（蜜運中？）唔會啦，一個Trip就咁快。（追你？）我唔知道有。（人哋示好你唔知？）冇啩。」

問到金剛是否她杯茶時，Mandy繼續笑說：「唔知自己飲乜茶！（光頭呢？）光頭、高矮肥瘦對我冇影響，最緊要溝通到。我識咗佢幾日，但同一班人一齊做嘢真係好開心。（畀機會金剛？）咁嘅問題！好Hot……好Hot呀！（你鍾情台灣人？）唔係我安排。（即天意？）咁衰o架！總之呢個獎門人Trip好開心。（佢氹得你好開心？）佢好風趣，唔知點解佢企我旁邊就開心。（我哋唔覺喎！）咁我咪好幸運！」

千語冇同林峯做運動

同場的千語風頭雖被蓋，但表示不介意，指運動服是由大會提供，並否認男友（林峯）禁止性感，她透露男友因拍戲而甚少在港，回港一天只夠時間吃一頓飯，故從未試過跟男友一同做運動！問到林峯是否夠弗？她說：「佢有時Keep都可以好弗。（佢有腹肌？）大家同我見到一樣。（你見得多啲？）佢係要Keep嗰類型，佢屬於肌肉發達型。（你鍾意Baby Fat定肌肉型？）都OK！」她又透露稍後到澳門拍特輯時會玩笨豬跳，自稱有做運動但少跳繩，故昨日在台上跳到有點氣喘。

記者昨日致電金剛，對於與Mandy Lieu的緋聞，他表示可能大家同是講普通話，故比較啱傾。問到有否機會發展？他說：「唔知喎！我啱可能佢唔啱，佢啱又可能我唔啱。」