張瞻與一眾球星玩遊戲，但似乎有欠安全。

張繼聰及方力申等藝人昨日落場打波，王敏德一家、小方的父母及弟弟均有捧場打氣。問到小方為何女友鄧麗欣沒有捧場？他說：「佢喺香港，同埋我Quota已滿。（有冇叫佢嚟？）曾經有叫佢嚟支持我打，佢話有嘢做，呢啲冇得逼。」

張瞻與一眾球星玩遊戲，但似乎有欠安全。

方力申獲父母及弟弟撐場，十分溫馨。

雖然近日有報道爆出阿聰的騷價，又指謝安琪（Kay）以160萬元身價簽約星煥兩年後，再簽台灣金牌大風，因此激嬲老闆何哲圖，但見Kay昨日心情未受影響，還帶同囝囝張瞻到澳門欣賞球賽撐老公，而其經理人夏森美亦指報道全屬流料：「信一成都死，身價同年期都錯，何哲圖冇嬲，可以叫佢作證，而且Kay嚟緊會幫無綫唱劇集主題曲。」另外，張繼聰兒子張瞻於在中場休息時，落場與一眾NBA球星玩遊戲，與一班哥哥齊齊彎下身做花式入樽障礙物，給球員玩跳Over入樽，相當大胆，但卻似乎忽略危險性。