做「老翻」後豬籠入水，難怪鍾浠文不介意。

李嘉欣早前獲交通警要求合照，有「翻版徐子淇」之稱的模特兒鍾浠文（Zelia），前晚出席名車活動時透露遇過類似情況：「試過坐個女仔朋友車，遇到交通警做酒精測試，個交通警問我係咪徐子淇，話想合照，我話唔係，徐子淇唔係坐呢啲車。佢當時工作緊，我覺得同佢合照唔係咁好，所以拒絕咗。」問到被誤認會否不開心，她說：「初初覺得幾得意，依家覺得唔出奇，又多咗Job，冇必要介懷。」

做「老翻」後豬籠入水，難怪鍾浠文不介意。

鍾浠文與周柏豪再度情侶檔搵錢。

此外，她昨日與緋聞男友周柏豪出席I.T旗下鞋履品牌Venilla suite的活動，傳已有同居女友Stephanie的柏豪，日前才暗示蜜運中，昨日又突然自稱單身，並指對方只是好朋友，他說：「你哋寫我單身。（事實呢？）事實都係單身。（成日同Zelia情侶檔，唔怕Stephanie呷醋？）我顧Fans感受多啲。」