詹Sir幫鵬哥「通經」再扮嘢

藝人盧海鵬與詹瑞文將於下月在紅館舉行《盧海鵬x詹瑞文紅館奇幻扮嘢大典》，兩人近日接受有線訪問，詹瑞文說：「兩年前已經搵鵬哥開騷，但自己好怕醜、好膽怯，唔敢開口問鵬哥，所以搵咗丘生（丘亞葵）邀請鵬哥開騷，結果一拍即合。」而「扮嘢始祖」鵬哥聞言則抵死說：「我咁嘅年紀已經收咗經，係佢撩通番我條經，自己一向有鋪扮嘢癮，一畀人撩，鋪癮就起。」鵬哥揚言希望兩人合作不止擦出火花：「希望似火山爆發嘅威力！」詹瑞文指鵬哥一出聲便語出驚人，開騷時也必定有不少「爆肚」場面，並計劃開騷前再減二十磅。