城城：（石肯）腳不如換咗佢

金馬影帝郭富城與拍拖七年的熊黛林分手後，心情未受影響，積極投入工作，更神采飛揚地為其主演、楊采妮執導的電影《聖誕玫瑰》四出宣傳。城城透露電影中描述人性之間的鬥爭，令他心靈上亦有所衝擊及啟發，希望每個人都能解開心結，認為人不應再活於不適合的狀態裏，似暗有所指！

他又借「鞋」來比喻愛情觀，似是對舊愛作一個總結，城城說：「一對鞋唔啱着嘅時候，成日會（石肯）腳同唔舒服，你都會想換過一對舒服嘅鞋。我哋每日都要行路，就好似身邊嘅伴侶，應該要搵對合適嘅先着上去，起碼唔會（石肯）住自己，夾硬着落去只會流血，傷口又唔愈合，搵過另一對可能仲好，感情世界亦是一樣。」篤信佛學的城城，言談間向來都比較玄，每句說話都來得別有寓意而要讓人細味。對於早前透過微博呼籲「放低與執着」的言論，他表示可理解為：「如果能為對方諗吓，希望對方活得更好，呢種係釋放。如果個個都係咁嘅話，世界一定和平。」

傷心亦不會掉淚

電影內的城城，演技早已毋庸置疑，於《聖》片中一場喪父戲亦收放自如而備受讚賞。現實中，他直言個人較為堅強，無論怎樣傷心亦不會掉一滴淚，只會抑壓在心，透過電影中釋放。對於今次與楊采妮合作，城城讚對方導演功力十足兼稱職，加上電影題材圍繞性侵犯，具一定商業性。

另一邊廂，Lynn前晚在助手陪同下返港，素顏的她戴上黑超，出閘時邊行邊講電話，但見記者在場立即收線，並大方表示剛從新加坡工作返港。問到失戀心情時，Lynn說：「OK啦！」此外，她亦在微博上載與台灣模特兒白歆惠及新加坡演員范文芳的合照，並留言指很久沒見白歆惠，又讚范文芳可愛。