吳千語規定林峯結婚送珠寶

林峯女友吳千語昨日連踩兩個活動，出席珠寶活動後，便趕往出席Absolut Elyx派對，同場還有何鴻燊四房千金超盈。她坦言林峯未有帶她到夜店，自己亦甚少夜蒲。提到有報道指男友收工後即飛奔見她，她笑說：「係！因為佢啱啱錄完節目好夜，趕嚟同我食飯。（工作量同收入多咗？）的確係多咗。（多得另一半帶挈？）少少，但我都想私人感情同工作分開。」她又表示林峯沒有送贈首飾或小玩意：「唔鍾意佢送珠寶！自己買得起自己買，首飾應該有紀念日或結婚先送。」而同場的吳嘉龍透露已甚少夜蒲，問到是否因打算結婚才戒夜蒲？他說：「呢啲地方唔啱搵老婆。（有冇拍拖？）Dating緊。」他笑言父親吳耀漢並沒有催婚，反而叫他慢慢來，不用心急。