究竟德斌（右）同伍姑娘講咗乜，令陳豪咁開心呢？

陳豪、伍詠薇和黃德斌等昨晚為新劇《金枝慾孽貳》拍宣傳片，對於平均收視只有23點，比處境劇《愛．回家》還要低，陳豪認為收視合理，自言看重畫面質素，相信觀眾懂得比較，不過普遍較接受以往的劇種，但他不認同角色與對白難明，呼籲觀眾多畀耐性。

究竟德斌（右）同伍姑娘講咗乜，令陳豪咁開心呢？

有指他扑錘購入價值3,300萬的大埔獨立屋，準備與女友陳茵媺築愛巢，陳豪表示女友在外地工作，故未有問對方意見：「我未決定自住定租畀人，總之啱心水！咁拍拖都係為結婚，我知大家都好心急，我都好想有好消息！（有冇計劃？）細個已經計劃，只係未做到，等上天安排！」

而壽星仔德斌堅拒透露年齡，笑指自30歲後，已記不起年紀，又表示會與女友及友人食飯慶祝，更揚言不用女友花費送禮物。對於新劇收視欠佳，德斌說：「一向冇大期望，所以唔失望，套劇都未入戲，觀眾未消化到，咁收視係正常，上一集比較深刻。（有投訴話劇情攻心計，影響青少年心智發展？）睇家長點話畀佢哋知，套劇反映人性，唔通警匪片又唔教壞人？殺人放火又唔教壞人咩！」伍姑娘則透露同劇拍檔蔡少芬將於本月初「出山」造勢。